快速選單

公佈欄

『鬧元宵猜燈謎』活動開跑囉......!!! 活動日期: 2019年02月12日起至2019年02月15日15:00截止   活動辦法: 1.完全猜對以下3題燈謎者,即可有機會獲得林子聰為您錄製專屬元宵節祝福影片一則,『僅限得獎名額一名』。 2.若超過1人3題燈謎全部答對,將采取抽簽方式公布得獎者。   ※得獎者抽簽影片及祝福影片將於2019年02月19日上傳至【林子聰國際影友會】官網影音區。   題目如下: 1. 拒收紅包 (猜一中醫療法) 2. 南陽諸葛亮,穩坐中軍帳,擺起八卦陣,單捉飛來將(猜一動物) 3. 足不立鬆土

肥仔聰老婆早產血崩 B女1.9磅插喉保命


憑周星馳電影《少林足球》六師弟「輕功水上飄」一角殺入娛圈的林子聰,近年演員、導演雙線發展,曾為大收34億人民幣票房的《美人魚》擔任執行導演。他於2012年與拍拖多年的女友Christy結婚,婚後育有一子林奕滔、現年3歲,去年太太再懷孕佗B女,原本是開心事,怎料今次卻令兩母女跟死神搏鬥,肥仔聰差點痛失兩至親!

日前接受東網訪問時,他猶有餘悸,憶述當日兩母女命懸一線的經過:「其實今胎都知比較麻煩,因為產檢Check到佢有『植入性胎盤』,生嘅時候有機會大量出血。今年1月先啱啱佗咗6個幾月,B女突然出世,嗰日太太話有啲痛,但覺得冇乜問題,不過我一聽就覺得唔對路,即刻叫白車,一上到車BB就出咗嚟,太太不停大量出血,個救護員都嚇咗一跳,即刻大叫開車。」

媽媽曾停心跳 需切除子宮

甫到醫院即送入急症室,由於太太失血太多,需即時輸11包血搶救,心臟更一度停頓1分鐘,至於BB出生時僅得1.9磅,由於器官未完全發育,需要全身插喉急救,並輸了3包血,母女情況一度極之危殆,在7位醫生急救下,太太搶救5小時,並需切除子宮,才能脫離危險期,BB則要插喉及住保溫箱保命。

手術後,從死亡邊緣逃出來的Christy張開眼第一時間就問B女情況,雖然不許鬱動,但她都用自己僅餘的氣力擠出3毫升初乳給囡囡,還跟肥仔聰說擔心女兒不夠奶吃,完全體現母愛偉大。肥仔聰當時即安慰太太:「我同佢講,呢啲非常珍貴,B女一定夠用。」

在整個搶救過程中,肥仔聰一直保持冷靜,但回家後即崩潰嚎哭:「返到屋企真係失控,因為當時救護員都講,稍為遲咗送兩母女入院,後果不堪設想,我應該會冇咗佢哋,真係好難接受!當時深深覺得老婆喺屋企、瞓喺自己隔籬,原來係一種福氣。」

囡囡腦出血 留院3個月

事後,肥仔聰停工照顧妻女,太太住院10日,囡囡則住了3個月醫院,期間他衣不解帶到醫院照顧,更與囡囡過完一關又一關,他說:「個女喺醫院期間試過腦出血,亦曾經腹脹飲唔到奶,原本要開刀,將營養液注入腸道,但我當然唔希望佢受呢啲苦,我不停握住佢嘅小手,同佢講:『女呀,乖乖哋食嘢啦!』佢好似聽到我講咁,真係慢慢又可以食番,最終可以唔使開刀。」

BB經醫護人員悉心照顧下,今年4月出院。回家後,肥仔聰夫婦專注照顧,加上有哥哥陪伴,B女現已有10磅重,可算雨過天青,他亦稍為鬆一口氣:「個女英文名叫Charmaine,花名叫波波,因為依家好似一個波咁圓碌碌!」

差點痛失妻女的肥仔聰,更一度患上心理創傷症,幸已逐漸康復。對於今次經歷,他坦言很感激當日在救護車上為他太太搶救及接生的救護員,以及醫院醫護人員的悉心照顧與幫忙。他亦很想提醒各位懷孕的媽媽要細心做產檢,若有問題可以及早發現及醫治。

「波波」出世後需住院三個月。
經父母悉心照顧,「波波」已經十分精靈。
現在還肥肥白白!
一家四口!(圖:Story workshop)
太太Christy手術後甦醒後第一時間問囡囡情況。
上天賜福「波波」,要感恩。
都幾似爸爸喎!
哥哥十分疼錫妹妹!
肥仔聰指全家人在一起,就是最大福氣!
大個要愛錫爸爸媽媽!
希望你快高長大,大個要好好報答爸媽!
 
 
 

 

COMMENTS 留言

GoTop

艾迪昇傳播事業有限公司
台北市松山區東興路26號13樓
經紀人:林志遠
TEL:886-2-7707-1188
FAX:886-2-7707-1199